{.. كفآآيهـ صآآر لكـ شهررين غآآيب عني يآالغآآلي !i ~

أهللللن ومررحبنن

{.. كفآآيهـ صآآر لكـ شهررين غآآيب عني يآالغآآلي !i ~ LIr50629

أخبآآركم
إن شآء الله كلكم بخييير

{.. كفآآيهـ صآآر لكـ شهررين غآآيب عني يآالغآآلي !i ~ NF650629

هذآآ شعرر حززيـ / ـن بس حلـ / ـووو

{.. كفآآيهـ صآآر لكـ شهررين غآآيب عني يآالغآآلي !i ~ IRc50103

كنت دآآيم اسمعه قبل بس الحين لآلآ زهقت منهـ <~ شنسوي لك

{.. كفآآيهـ صآآر لكـ شهررين غآآيب عني يآالغآآلي !i ~ WGZ50629

وإن شآء الله يعجبكم =)

..........................

كفاية صار لك شهرين غايب عني يالغالي .. كفاية يا أعز الناس ترى والله ما أقدر

دخيلك لا تخيب فيك هقواتي وآمالي .. وإذا إنها عن الصبر والله وغلاتك عندي راح اصبر

أبتحمل عنا فرقاك وحالي يرثي لحالي .. مع إني والله لين اليوم مدري ليش بس تهجر

أبى أعرف شالسبب أرجوك وش اللي بس يجرالي .. أنا اش سويت يا ربي عشان تثور وتتفجر

أنا والله ما استاهل أبد كل اللي يجرالي .. أقل ما فيها بس قلي سبب خلاك تتغير

أبى أعرف بس شو الموضوع علامك صرت ما تبالي .. إبذمت كل أهلك فـ يوم شفتني بشي أنا مقصر

عطيتك قلبي وروحي وهبتك حالي ومالي .. حملت إحساس هالدنيا وعطيته لك وأنا افخر

عشقتك عشق لا قبله ولا بعده انعشق تالي .. هويتك موت واتخيل إلين الموت واتصور

وإذا جاني مسج منك مخزن رقمك الغالي.. ولا امسح رسالاتك اتم اقراها وأفكر

واحلل كل كلمة بالمسج الله يا غربالي .. وأقول بخاطري معقوله حاسس فيني ويشعر

وأرد أقول لأ يمكن تذكرني وهو سالي .. لأني توني مطرش مسج طرش مسج يشكر

وأرد أقول لأ أدري يبيني وحاسس بحالي .. وأرد أقول لأ ما اظن على باله أنا أخطر

إلين إني أنا اتأكدت قلبه بالفعل خالي .. ولا غيري أنا بقلبه يحبني موت ويقدر

لأني مره من المرات طرت فكرة على بالي .. نويت أزعل بدون أسباب وأشوفه لو بيتأثر

أبعرف قدري بقلبه يهمه وضعي الحالي .. أو إنه راح يطنشني ولا يسأل ويستفسر

وفعلاً دق وما جاوبت حرقي لي والله جوالي .. آلاف مرة دق وأنا مطنش ولا معبر

كتب لي بالمسج إطلع أنا عند بابك الحالي .. قسم بالله ما تطلع لاخربها أنا واحذر

مشكلتي أعرفه زين يسويها ولا يبالي .. نزلت وخاطره مكسور يقول اشفيك متغير

وقلت بس أبـ اتأكد إذا قدري معك عالي .. ضحك لي وقالي إتاكدت ودمعه بلل المحجر

وطارت فيني الدنيا لمكاني صاحبي جالي .. تعذر لي وأنا الغلطان وانا اللي لازم اتعذر

بعدها عشنا أحلى أيام بقربه يا هنيالي ..وصلنا لمرحلة ما نفترق عن بعضنا وأكثر

وبعدها فجأة خلاني ولا يسأل عن أحوالي .. وأنا في خاطري أدري محال في يوم يتغير

أدق له ما يجاوبني بديت أشك في حالي .. أخاف إنه حصل له شي أخافه بس متكدر

لعب في قلبي الوسواس خياله ما تهيالي .. حوالي ألف مسج طرشت حبيبي يا عسى ما شر

ولآ جاوب وأنا قاعد على أعصابي وغربالي .. حبيبي صار له أسبوع فيني حتى ما فكر

إلين إني عرفت إشلون أخلي خلي الغالي .. يكلمني وجت فكرة بعد ما مت وأنا أفكر

وفعلاً .. إتصل فيني وبدت أحزاني وأهوالي .. وكانت صدمتي كبيرة علي الغالي يتغير

سألته قلت له وش فيك ما من شر يالغالي .. وش اللي صار بالدنيا علامك ليش متبعثر

أو إنك يعني ما تدري بدونك صرت أنا لحالي .. ولالي خلق أي إنسان كثر ما فيك أنا أفكر

وجاوبني وقال أرجوك إبي هالدنيا تصفالي .. أنا مليت من وضعي وأشوف الكل متغير

أنا ضاقت بي الدنيا وأبي أبقى أنا لحالي .. خلاص أتركني لا تسأل وأنا برجع عقب أشهر

وقلت له مو علي تكذب أعرفك تضعف قبالي .. تكلم قول شالموضوع بدا قلبي يدق أكثر

سكت لحظة وقال أرجوك ابعد عني يالغالي .. وخلني أذكرك بالخير وانت مثلي اتذكر

ولا تطرش مسج واحد ولا إدق لي أبد تالي .. وإذا لي خاطر عندك لا تتكلم أبد سكر

وقلت له والله ما أكسر إلين تقول وتصفالي .. وقالي والله ما اتكلم ولو تبكي دمع أحمر

ولكن شوف ربعك وأنت تعرف بس وش جالي .. خلاص افهمها عالطاير ولا تحرجني بعد أكثر

وسكر والدمع فيني على الخدين همالي .. قسم بالله ما أدري علامه قلبه اتحجر

فؤادي انهار وأنا حملي يهد جبال وجبالي .. في لحظة صارت الدنيا في عيني هالكبر وأصغر

حسافة ما توقعته يصدق فيني عذالي .. حسافة ما هقيته يوم يصد عني ويتغير

بعدها صار لي ما صار وربي يعلم بحالي .. فؤادي باقي بس شوي وأحسه من الجسم يظهر

بديت اعرق ما أدري ليش و خابت كل آمالي .. أنا اتوقعت كل الناس ولا اتوقعت هو ينكر

وقلت بخاطري خله مصيره يرجع الغالي .. أكيد إنه سمع أي شي وجوه صار متعكر

ولكن طول غيابه وزادت فيني إعلالي .. مرض قلبي وتعب فكري وأحسه جسمي متخدر

وقلت خلني أطرش له مسج وأشكي له أحوالي .. وطرشت المسج وشوي دق لي ودون ما أفكر

هلا والله يا أغلى الناس هلا والله بالغالي .. ألو طارق ما قلت لك لا تذكرني أو اذكر

أبي بس أذكرك بالخير ياخي خلني في حالي .. وقلت خاطري مكسور أنا آسف وما أكرر

قسم بالله إلين اليوم وحالي يرثي لحالي .. قسم بالله إلين اليوم ولا أدري ليش هو تغير

قسم بالله ما غضت عيوني ولا هدى بالي .. قسم بالله ما يوم إلا وفيه أنا أفكر

قسم بالله قلت بنساه بس طيفه يتهيالي .. قسم بالله لو حاولت أنا أنساه أتذكر

إلين اليوم أنآ عندي أمل يرجع ويصفالي .. أقول الشوق بيرده على فرقاي ما يقدر

إلين اليوم ضحكاته وبسماته على بالي .. إلين اليوم ما أرقد كثر ما فيه أنا أفكر

أبى أعرف شالسبب أرجوك وش اللي بس يجرالي .. أنا اش سويت يا ربي عشان تثور وتتفجر

أنا والله ما استاهل أبد كل اللي يجرالي ..أقل ما فيها بس قلي سبب خلاك تتغير

أبى أعرف بس شو الموضوع علامك صرت ما تبالي .. إبذمت كل أهلك فـ يوم شفتني بشي أما مقصر

أنا راح انتظر ردك ولو حتى بمسج خالي .. وإذا ما جاني منك الرد وغلاتك عندي راح أصبر

سنه سنتين اللي يهم أشوفك ثاني قبالي .. ثلاث سنين أو أربع أبصبر يعني راح أصبر

ولكن حكم إحساسك وجاوب يا أغلى كل غالي .. إبذمت والديك يهون تنساني ولا تذكر

يهون إنك تخليني ولا تسأل ولا تبالي .. يهون إنك تنام الليل وتتركني أنا أسهر

كفاية صار لك شهرين غايب عني يالغالي .. كفاية يا أعز الناس ترى والله ما أقدر

دخيلك لا تخيب فيك هقواتي وآمالي .. وإذا إنها عالصبر والله وغلاتك عندي راح أصبر

للشاعر :

ღ♥ღ طارق المحياس ღ♥ღ

وسلآلآمتكم

{.. كفآآيهـ صآآر لكـ شهررين غآآيب عني يآالغآآلي !i ~ AIw50352

cee,u }!

مشكووووووووره اختي ...

انت شاعره متمكنه>>>>>>>>من جنب العارضه...

لا امزح صح لسانك اختي وفالك البيرق...

تقبلي مرووووووووووووووري... queen

خخخخخخخخخخخخخخخخخخخخخخخخخخخخخخخخ

من جد

لا بس هذي انا ساامعها حللوه

ومشكوره على القصيده وتقبلي مروري lol!